domingo 20/6/21

Nacer mediu muertu y vivir pa lo cunfirmar

Se acabó el 2020 y dingunu lloró al dijuntu. Tul mundu quiso ispidilu cumu quin diz adiós a un mal. Peru l'asuntu tien un fallu: cuncibí-l mal cumu si tuviera una fecha de nacencia y otra de muerti.

Mugu nel burdillu y nós al deslai Mugu nel burdillu y nós al deslai

Dicin que los dibujos de la Estela de Barros son las caras de la Luna.

Cuentan que daquella la Luna era una divinidá sagráa, cuyu nombri estaba pruhibíu mentar, que la genti pintándola enas piedronas aquellas pudía entonz adorala ensin belu iscritu ni dichu. Diz que n'aquel tiempu inclusu era al treviés del ciclu de la Luna cumu midían los años.

Se acabó el 2020 y dingunu lloró al dijuntu. Tul mundu quiso ispidilu cumu quin diz adiós a un mal. Peru l'asuntu tien un fallu: cuncibí-l mal cumu si tuviera una fecha de nacencia y otra de muerti. L'añu haguañu es una güelta que la Tierra da al Sol, y que mos sirvi pa midí-l tiempu, cumu las güeltas que dan las aújas del reló y las del ciclu de la Luna de jaz 2000 años solaris. Una cosa es el tiempu, y otra cosa el mal.

El 2020 se tomó l'andanciu en plan quiméricu, porque por muchu que diga la Cencia, la genti está enseñáu a creer otra clas de cosas

Y el mal que acuntició nel 2020 es el mesmu que acontez hui, que dió n'entrá-l 2021, por mas güeltas que queramos dali a las güeltas del tiempu. Tampocu es el primer andanciu planetariu que mos tocó vivir. La Pesti purcinu, la Gripi aviar, el SIDA y el COVID-19, andanciu too ello con un urígin cumún. Y pa jacese a esti asuntu se puei ser radical y dir ca la raiz del problema, u ser "quiméricu" y andase polas quimas.

El 2020 se tomó l'andanciu en plan quiméricu, porque por muchu que diga la Cencia, la genti está enseñáu a creer otra clas de cosas. La Humanidá empenzó a jacesi priguntas y jezo polas arresponder mui luegu. Las priguntas eran mui jondas y la prisa por tenelas contestaas cuantu primeru tuvo la riligión por ataju. Las rispuestas que ufricía estaban bien remataas: Too lo jezo Dios. Lo que pasa es voluntá de Dios. Lo que nu pueis entender es porque lo intiendi Dios, que sabi mas que tú. El atrasu nunca anda sobráu de Cencia, y muchas vecis anda ralu de Filusufía, Ética y Cultura, peru por embargu enjamás anda faltu de Riligión. Se puein midí-l progresu u l'atrasu de cualisquier pueblu pusiendo n'una belanza Riligión por un lau y Cencia pol otru.

Asina que si cualisquier cultura atrasaa del mundu apriendi a echali la culpa de los malis mas gravis al castigu de Dios, u a los flasos profetas, u al Demoniu, l'atrasu que llaman Cuartu Mundu y que vivi drentu'l Primeru (y esti pasu acabará cumiéndosilu), tien abora la virsión 2.0 de semejantis razonamientos. Una virsión 2.0 revelaa al treviés de pantallas de plasma y ondas de señal wifi. Esti andanciu es un virus de laboratoriu soltáu polos Estaos Auníos pa provocar una crisis ena China. Iscuru culpabli. Y cuandu allega a los Estaos Auníos es un virus soltáu polos chinos pa provocá-la crisis allí. Iscuru culpabli. Y cuandu allega a España es una maniobra del gubiernu roju pa jacer que la crisis arruini al pueblu y jacé-la Venezuela d'Europa. Iscuru culpabli. Siempri un Demoniu. con distinta cara, un culpabli iscuru tramando malis ena sombra.

Masque los demonios sean distintos sigún quin los mienti, por muchu que el Mal cambie de presonaji, el Bien siempri es el mesmu, masque se puea u no dicí-l nombri

Tenemos tamién virsión alternativa pa cunsumir, pos el Mercáu Global siempri apurri una estantiría con prudutos Bio pa cunsumioris desigentis y uriginalis: l'andanciu es un tuntiriuca que ni mata ni naa, peru el poder mos diz que la genti muer pa metemos el verdaéru mal: la vacuna. La vacuna cuntién un micruchip supervisáu por Bill Gates que sirvi pa tenemos sul control permanenti del Poder. Que se conoz que la Humanida entera era una fiesta de ribildía puru y tiníamos a tolos pulíticos podris y caciquis del mundu apercollaos y manutiaos, bien sujetos. A la final esti andanciu planetariu era un asuntu de falsas pruficías, falsos días del Apocalisis colos que sometemos a la dutrina que esparcin polos airis las torretas del 5G, moernos ángilis ircíos d'un Demoniu nuevu que pidi ser adoráu y al que los cunsumistas mas alternativos sabin siempri quitá-la máscara.

Masque los demonios sean distintos sigún quin los mienti, por muchu que el Mal cambie de presonaji, el Bien siempri es el mesmu, masque se puea u no dicí-l nombri. Li pasa lo que a la Luna jaz 2000 años, sabemos quín es y lu adoramos masque mentá-l nombri esté pruhibíu.

El Bien es en rialidá Los Bienis. Los Bienis de Cunsumu. Hubiendo con qué, se puei comprar. Cualisquier clas de fruta, tul añu. Cualisquier melán, jechu d'algodón de undiquiera por una cría probi de undiquiera, placenteru, pagar aláu de casa y llevalu. Cualisquier cusucia compraa nel chinu. Eso es lo Sagráu, lo que se debi dejar sigún está. Ni mentalo. El Mercáu provei. Dios provei. Dios lo es too, el Mercáu lo es too. El Mundu está pa pruducir lo que sea a cualisquier preciu, y el Mercáu está pa ponémoslu sirvíu al acanci de la manu, mas, mas rápidu y mas baratu.

Naa cambea: un añu murió y el que vien arréu naz mediu muertu. Esti añu, mas que ser un círculu astral va a ser una parábola desistencial, que simbulici la muéstra vivencia de cunsumistas de muchos trastis de culurinis y vida grisonu. Generosu cola jatera, mos da doci mesis pa lo comprobar.

Comentarios