jueves 15/4/21

Pulíticos a la mesa, Cencia a la carta

El Gubiernu de Cantabria upina cumu cualisquier cuadrilla de caza. Y sigún piensa, trebaja. Lo demuestra col Lobu.

A desarambrar A desarambrar

"Hasta hoy no sabía que yo sabía de caza", mi dijo con mucha sombra la mí hermana un día que estábamos nel bar del pueblu, atestáu de cazaoris. A un ratu que bía dejáula sola uyó hablar a los que tinía aláu, dijendo cosas del tipu: "Un perru de liebre que sea güenu pa liebre, es güenu pa ir a la liebre, peru unu de perdiz que tamién haga a la liebre, tamién es güenu pa liebre, eh?". "Si me metiera a la conversación, estaría perfectamente a la altura sin haber visto una escopeta", dicía ella aguantando la risa.  

Nel Parlamentu de Cantabria se pusierin de acuerdu cumu nunca primeru pa impidir que el Lobu, una especii tan cántabra cumu ellos -u mas, sigún sea el casu- sea prutigíu de la caza. Prutigíu cumu lo están pinto'l casu, l'Osu, el Lobu cerval, el Cárabu u mesmu la Rámila u el Milanu, ensin que naidi piensi que se van a acabá-las gallinas u que la genti que tien gallineros esté condenáu a murir polas rámilas u cuandu menos quedasi ensin voz ni moral a juerza de gritali "Jela, jela!!" a caa milanu que remaneza.

Si mato los lobos, mi llevo los votos. Y el votu rural dicidi muchos ahuntamientos

Si ponemos iscritu lo que dejarin dichu tocanti a esti asuntu los pulíticos de Cantabria, col Consejeru a la cabeza, y lo que dijo la Fundación Artemisan -que tien por ujitivu primeru y últimu la promoción de la caza-, ajorramos papel dejando unu solu de los dos iscritos, que dicin lo mesmu. El Gubiernu de Cantabria upina cumu cualisquier cuadrilla de caza. Y sigún piensa, trebaja. Lo demuestra col Lobu.

Arréu, dellas ideas de la Cuadrilla de Caza Gubernamental, atentu'l Lobu:

- La dicisión de poner al Lobu nel Lespre, lejos de ser cintífica, es "política", ubidiciendo a una genti "radical" cumu es la asociación Ascel, y dejando pa práu los informis "científicos" que da el propiu Gubiernu de Cantabria, que amás pidi "diálogo".

- Las "extracciones" de lobu sirvin pa evitar lobaas.

- En Cantabria está pruhibíu cazar lobos.

- El Gubiernu de Cantabria jará too lo que esté ena sú manu y "luchará por todos los medios posibles para proteger al ganadero del lobo".

L'añu que pruhibierin la caza del Lobu en Castilla y León, las lobaas bajarin en tal de subir, peru esu nu es nuticia

Ucurri que de los cintíficos que acaban de firmar un manifiestu a favor de la proteición total del Lobu, y debin pasar ya de los 400, angunos son genti que trebaja nel CSIC, por ejemplu, dirigiendo la Estación Biológica de Doñana. Genti que lleva años cunuciendo al lobu. Quiciabis la genti de las cuadrillas de caza y la Cuadrilla de Caza Gubernamental bieran prifiríu que jueran unos melenos con vellonis, muchu melán y daqui jierru enjiláu ena cara, peru lo ciertu es que es genti de carrera que lo pon difícil. Y es tamién, merez la pena dicilo, genti que tien un sueldu asiguráu, y tampocu sinti que las prósimas lentejas que vaiga a comer dependan de caeli bien a dingunu. Aqúi la pulítica y el Lobu se arrelacionan de la siguienti manera: Si mato los lobos, mi llevo los votos. Y el votu rural dicidi muchos ahuntamientos. Y son los juecis los que apararin dellas vecis la caza del Lobu, viendo que las aministracionis dicin estar cola lei y arréu si la saltan.

- Bien se sabi ya (quin istudia al Lobu es el cintíficu biólogu, no el ganaeru ni el pulíticu) que una manáa de lobos mata muchu mas ganáu si se mata a los lobos que la llevan, y que los lobos que quedan solos son los que mas atacan al ganáu. Las "extracciones" se jacin a juerza de tirale al lobu que se ponga a tiru. L'ésitu de las "extracciones" se cuenta en lobos muertos, no en que aparin las lobaas. L'añu que pruhibierin la caza del Lobu en Castilla y León, las lobaas bajarin en tal de subir, peru esu nu es nuticia.

- En Cantabria está igual de pruhibíu cazar lobos que n'España u Europa. Eso, nel papel. A la final, en Cantabria el Lobu muer igual que si istuviera primitíu cazalu: la metá cai por furtivéu y la otra cai jaciendo de la esceición norma, n'una estrategia de guerra suciu. Y si la lei pruhibi cazalu es pricisamenti pa lo contrariu de lo que el Gubirnucu jaz. "Dialogan" dendi'l día en que -ensin espaciu pa discutir-entró ena lei la proteición del Lobu. "Dialogan" pa jacer lo que jacían primeru, matalu.

- Si los pulíticos de Cantabria dicin primeru que están a favor de conservá-l lobu y arréu que jarán too lo que quedi de la sú manu y por toos los medios pusiblis por cazalu y arrinconalu pa conservar al ganaéru prutigiéndolu de las lobaas, están dijendo la una cosa y la contraria. Están dijendo que la cunvivencia nu es pusibli. Crein eno contrariu de lo que dicin. Si lo creyeran, jarían too lo que quedara de la sú manu y por toos los medios pusiblis para proteger al ganáu, pa que el ganaeru puea proteger al sú ganáu, que es lo que l'uficiu lis desigi lo mesmu a los unos que a los otros. Los meriteros que vienin toos los años a los puertos de León con rebaños de milis de uvejas sufrin 0 lobaas. Y vienin d'Estremaúra, ensin lobos. Sabin llevar mijor tres mil uvejas que un paisanu cántabru 30. Eso tampocu es nuticia.

"La Hestoria la iscribin los venceoris", diz un dichu bien currutu. Y vistu lo vistu, tamién se puei añidir que a los pulíticos lis prestaría iscribí-la Cencia, ya de pasu, col asesoramientu escopeteru acustumbráu que tan altas conversacionis y asuntamientos dió pala Hestoria enos baris de pueblu.

Comentarios