Siempri ha hubíu genti de derechas. Y masque la disquierda siempri tuvo al pueblu cumu de los suyos, bien ciertu es que nel pueblu es ondi está la genti de derechas. Y ciertu es tamién que la idea de "pueblu" de la disquierda era una genti urbanu con pantalón de pana, camisa blanca y chalecu, una gorra, unos cuantos críos, y unas mujeris de faldona y avantal, saliendo de una fabricona a dar vocis pola calli. N'aquella estampa, el paisanu del dalli y la jorca estaba ausenti, y polo que uí de chicu estaría muertu de miéu pensando que los cumunistas li quitarían el ganáu si allegaban al poder.
Sofá y sillón son vuquiblis de moda. Se ponin de moda cuandu tamién se pon de moda la palabra lobu. Y cumu el Gubiernu d'España mitió al Lobu ena tarja de especiis prutigías abora l'asuntu sigún molu cuentan es que el presidenti estatal está repanchingáu n'un sillón, la ministra de mediu Ambienti tamién, y quin vea bien que el Lobu esté prutigíu, tamién. Tul mundu -ísi- escarreñáu n'un sofá, en veranu con airi acundicionáu y n'hibiernu cola calefaición a trisca. Y del otru lau, los que están a la contra, pastoris que andan tul día de pie y polo cuestu, sufriendo cilliscas.
A mí mi cuesta creer que la genti que sal hablando n'un práu sea la voz del pastoréu. Porque hai muchu pastoréu pol mundu
Sigún paez, es cosa de dicir que la genti'l lobu es genti de ciudá y vida placenteru que anda bien ajalláu nel sillón de casa dijéndoli con muchu morru a lo del pueblu lo que tien de jacer n'una vida llena d'apuru.
Siempri ha hubíu derecha nel pueblu, y enos pueblos; y ena pulítica, y nel poder. N'esti tiempu, en tul mundu, la derecha está echando mano de la prensa cumu siempri, del cuentu cumu siempri, del sentimientu primariu y brutu cumu siempri, peru cumu novedá está echando manu de la protesta ena calli y jaciendo usu de las redis socialis cumu nunca. Se trata de inguisar mal cuerpu social por tolos medios. Y lis está arrijundiendo.
Otra cosa es creesi el sú cuentu.
Polo menos a mí mi cuesta creer que la genti que sal hablando n'un práu sea la voz del pastoréu. Porque hai muchu pastoréu pol mundu, y lo hai que cuida muchu mas del ganáu de lo que se cuida aquí, mesmu los meriteros que vienin a la curdillera dendi Estremaúra cuidando de 3.000 uvejas a un tiempu nel puertu. Ésos tamién son pastoris, u son mijoris pastoris, u son pastoris de verdá, y andan juera de casa, lejos de dingún sillón.
Siempri ha hubíu derecha, y los pastoris mediáticos andan de la manuca. Y aquí hai pulíticos cola idea de ser pa esti asuntu mas derecha que la derecha
Es normal que el lobu ataqui al ganáu a anguna güelta, y digo "a anguna güelta" porque si toos los lobos u toas las manaas de lobu matasin al ganáu toos lo días, ya bieran escastáulo jaz 30 años. Y allí anda el ganáu, cruzándose de cerca col lobu un día trés de otru. Muchas vecis verán al amu con ello, y muchas otras no. Ésas muchas otras, tampocu acaban en lobaa toas ellas, porque si biera síu asina tampocu quedaba ya ganáu, y yo indo al monti sólu tengo vistu un lobu, mientras que amos he vistu unos cuantos peru ganáu sueltu y solu, muchísimu mas, y si lo veo asina de visita, muchu mas lo vei el lobu, que anda allá de cuntinu. Si un ganaeru de montaña sufri 10 lobaas n'un añu, siendo una desgracia pa él, ha tuvíu tamién 355 días de gracia enos que el lobu lo tuvo igual de fácil, se conoz. Pa ser tan malu cumu lu pintan, con aquella gana de matar por matar, son 355 días de veda que si los tuvieran de cumplir las cuadrillas de caza que matan por gustu, qué tal? Acusarían a quin lo decretara de estar jaciendo leis dendi un sillón.
Siempri ha hubíu derecha, y los pastoris mediáticos andan de la manuca. Y aquí hai pulíticos cola idea de ser pa esti asuntu mas derecha que la derecha, callanducu, con idea de que el votu rural quedi pa ellos. Cuandu veo que el consejeru se pon mediáticu, y levanta del sú sillón pa apoyase de mediu lau ena mesa del despachu y hablar del lobu, u veo que el prisidintucu jaz lo mesmu, sigo viendo quínis los votarin pa que tuvieran esi sillón en concretu, jueraparti los que tengan en casa.
Cuandu esta genti vota, y el votu rural es públicu trés el recuentu ("votu rural, cuentu y re-cuentu" da pa jacer angún chisti), vota a otra genti que jaci leis dendi un sillón, nel mesmu ayuntamientu, nel gubiernu de Cantabria y nel de España. Al sillón van toos ellos. Y con un pocu de suerti, van arréu a otru sillón del conseju d'aministración d'una empresona. U angunu crei que aluegu de ser pulíticos sientan n'un taju d'ardoñar? No, por ciertu.
Cuandu esta genti vota, vota pol Mercáu, al treviés de los pulíticos y de los mesmos sendicatos ganaeros; toos están a favor de la lógica de Mercáu y dingunu se pon a la contra. Si escasu, pidin el privilegiu de mas dineru, privilegiu que niega col sú votu a los que sufrin el Mercáu mas abaju.Y el Mercáu va por otru sitiu, al Mercáu li sobra la ganairía de montaña. Y al que compra la carni y la lechi, lo mesmu, que ena mayuría de vecis bastanti tien con allegar a últimu de mes. No es tan ajallaízu el sofá d'Ikea cuandu el sistema apreta.
Mañana puei quedase la Curdillera ensin los cuatru últimos ganaeros de montaña y el 95 de la sociedá ni lo va a notar. Si escasu, ena falta d'incendios. Y el Mercáu, contentu. Del ganaeru de montaña interesa lo que mas, el votu, pa caltener enos sillonis del poder a los de siempri, los amigos d'un Mercáu al que sólu li queda rematá-la jugaa pa treminar col ganaeru de montaña.
Se acabará el ganaeru, y quedarán los sillonis, porque n'ellos están bien ajallaos los que dicin estar col ganaeru y contra el lobu, y por embargu son de poca veta pa andar aguantando cilliscas.