lunes 8/3/21

Antivirus del guapu

Guapu juturu tenemos por lanti cuandu el pueblu tien esa clas de mentalidá que quier ser pulicía y entri tolas clasis de pulicías, el mas matón.

"Todo saldrá bien"/Nuevu Ordin Mundial 2020

Una clas d'imagin que se ripiti pola tilivisión es la de genti d'unijormi manutiando a tortazu limpiu a genti que no lleva mascarilla pola calli. Al telespetaor si unu li oyi angún comentariu atentu al asuntu es la cantidá de tortas que el paisanu merez.

Guapu juturu tenemos por lanti cuandu el pueblu tien esa clas de mentalidá que quier ser pulicía y entri tolas clasis de pulicías, el mas matón.

La lucha contra los virus era lo primeru cosa de ciintíficos y médicos. Peru abora paez que se va a resolver difinitivu a juerza de tener a la pulicía dando tortas

Tamién tien que veer que tres tantísimu tiempu pusiendo una seición fija colos ésitos pulicialis en tolos telediarios y jaciendo tou tipu de seriis tilivisivas nondi lo principal es la gran humanidá de la pulicía y los sús problemas sentimentalis cutianos, el públicu se quedi cola idea de que lo principal que debi jacer un pulicia es meter miéu a tul mundu a juerza de arrear muchu, luegu, y duru. Igual es que tienin que echalos tul día, mañana, tardi y nochi, y sieti días a la semana, pa que el públicu quiti esa idea.

Polo menos jasta esti momentu, la lucha contra los virus era lo primeru cosa de ciintíficos y médicos. Peru abora paez que se va a resolver difinitivu a juerza de tener a la pulicía dando tortas. Inclusu se vei aminudu que los partidarios de semejanti clas de midías sanitarias a quin menos andan ispuestos a jacer casu es a las autoridais... sanitarias.

No lo vamos tampocu a llamar "facismu" cuandu se pudía llamar, pinto'l casu, Unicorniu de Sieti Coloris

La pinta que tien es que quiciabis lo del virus pasi luegu, peru el amor del públicu polos agentis de puñetazu fácil, ési siga jasta no se sabi cuándu.

No lo vamos tampocu a llamar "facismu" cuandu se pudía llamar, pinto'l casu, Unicorniu de Sieti Coloris.

El casu, que paez que cuantu mas se despón unu a la tilivisión española, mesmu públicu que priváu, mas fácil arrisulta ser cumprinsibli, partidariu y jasta acérrimu del Unicorniu de Sieti Coloris.

A veer si por escastar un virus que puei matar a media Humanidá vamos a coger un andanciu que acabi escastando deajechu la poca humanidá que entá arrisisti drentu de nós.

Comentarios