jueves. 28.03.2024

El Ríu

Lo que diz la cencia es que al calentase el climin, jueraparti l'adunicimientu de la temperatura, habrá mas inirgía liberáu en forma de galernas, trubonis, ribusíos y cilliscas. Lo estamos viendo los unos, y están jaciendo isjuerzu pa no veelo los otros.

El desarrollu y el des-arroyu El desarrollu y el des-arroyu

L'añu pasáu mos contó un campurrianu que lo del cambéu climáticu era una mintira, porque jaz muchos años, cuandu la Guerra d'España, allí hebo un hibiernu que no anevó. Negar una cosa tan clara con semejanti casu, cuandu entá se recuerdan las nevaonas campurrianas enas que la genti salía mijor de casa saltando dendi riba a la calli que saliendo pola puerta, es muestra de que la idiulugía pulíticu es la mijor de las orejeras de burru. Si unu no quier veer, li sobra la luz.

Lo que diz la cencia es que al calentase el climin, jueraparti l'adunicimientu de la temperatura, habrá mas inirgía liberáu en forma de galernas, trubonis, ribusíos y cilliscas. Lo estamos viendo los unos, y están jaciendo isjuerzu pa no veelo los otros.

Jaz dos años pol mes d'heneru lluvió a esgaya cumu no arrecordaba la genti dendi jaz ya una trisca d'años. La genti se quejaba de los estrobos de los ríos enas tierras y casas.

Esti hibiernu el Ríu Ebro cunució una llena gurdísima cumu pocas que anagó Reinosa. Pola redi remanicierin por cientos las upinionis de la genti, mui indinaísimu pol jechu de que el ríu tenga una llena tan grandi, cumu si el ríu no juera otra cosa que el resultáu de lo que lluevi, graniza y nieva.

Un ríu jaz los cortis de las vegas, el primeru es la mesma urilla, y ajita van otros cortis llanos del terrenu, ganando altura

Y vae, paez que la cunfianza que li niegan a los ciintíficos que istudian el clímin la tienin deajechu pa los palistas.  La sulución pal probi ríu paez que la tinía clarísima tou Reinosa: Encajonalu mas. Mas entá. Y una mui guapa tamién, quitali l'arbuláu, y li llaman "limpieza de cauces".

Al probi Ríu Ebro ya lu bían "limpiado" jaz unos años. Jatera no li quitarían muchu, peru se istuvierin agustu quitando salcinos y arbuláu. Y de pasu, tamién lu encajonarin. Asina li dierin mas espaciu a las terrazas, a las baldosas, al cementu y jasta li pusierin un osu de Okuda, con idea que atraiga a los turistas en tal d'espantalos cumu jaz el osu de siempri.

Cualisquier geógrafu puei desplicar lo que calláu estaba dichu: un ríu jaz los cortis de las vegas, el primeru es la mesma urilla, y ajita van otros cortis llanos del terrenu, ganando altura. El ríu cuerri siempri por corti mas baju, aminudu subi al siguienti si cai mucha augua u si la nievi atarreña demasiáu aína, y de cientu en vientu subi muchu mas ca las llanas más altas de la vega si lluevi pordemás. Eso li pasó al Ebro esti hibiernu.

El Ser humanu moernu cunfía enas máquinas cumu daqui acérrimos crein enos sús diosis; mucha genti, y pocu ya siría demasiáu, crei que con motosierra primeru y una pala dimpués se acababa deajechu colas llenas del ríu.

Yo es una obra que jueraparti ser una riluchura y una paletaa, veo mui difícil de jacer si quier de verdá sirvir pa que el ríu no se salga del calci

Si al ríu ya li quitarin una mayuría del calci polas urillas pa dejalu agustu de los encofraoris y azulijistas, esi mesmu día lu estaban ubligando a salise por riba too lo que no li dejarin abrise polas urillas que ya no tinía. Calláu estaba dichu.

Los árbulis no son diquis jechos a livel que cuntienin el ríu, y con semejantis cantidais d'augua u los libra u los arranca de raiz. Eso lo vei cualisquiera.

Arrisulta que si la población de Reinosa mitíu a enginieru hidrólicu quier u mas bien pretendi arreglá-l asuntu de llenas tan gurdísimas cumu la del hibiernu pasáu a juerza de meté-la pala ensin tocá-las jermosas urillas de cementu y baldosa que son el dulci jogar del "Osito multicolor", el sú plan sólu puei ser jundí-l calci`l ríu. Asina que si l'Ebro a l'altura´l Campu Coloráu tien, pongamos, sieti metros de urilla a urilla, y el fondu a dos metros del puenti, meter tul augua de la última llena drentu d'esi anchu supón cumu pocu que la pala jaga la virsión encofraa de la Fosa de Las Marianas y tresformi-l ríu n'un cantarillón de cementu col fondu a 20 u 30 metros por baju los bordis. Col pántanu tan cerca no sé si podrán jundilu tantu, peru ya puestos, igual cunsiguin una pruvisión de fondos pa ajoyar tamién pántanu y too lo que se ponga por lanti.

Yo es una obra que jueraparti ser una riluchura y una paletaa, veo mui difícil de jacer si quier de verdá sirvir pa que el ríu no se salga del calci. Caru, que si yo juera una d'esas empresas que tienin por custumbri ganá-las licitacionis de obra públicu en Cantabria, andaría pensando cúmu convencer a dellos pulíticos pa que convenzan ellos a la genti de que es la obra mas necesaria del mundu. Y pienso que el tíu de las tirulinas cubriría tamién bien el riñón jaciendo barranquismu-cantarillismu por metá Reinosa y pusiendo puntarronis tibetanos pa pasar de calli a calli...a veer si va a ser custión de jacé-las cosas...cumu las vienin jaciendo de siempri.

El Ríu
Comentarios